ትምህርቲ ሽወደን ኣብ ስራሕ

ጥሮታ ዝወጸት መምህር Lena Fahlström ኣብ Svenska med baby ንዘድልዮም ሰራሕተኛታት ናይ ሽወደን ትምህርቲ ብወለንታኣ ሓላፍነት ትወስድ።

"ኣስራሕቲ ኣብ ሰራሕተኛታቶም ዓቕሚ ርእዮም ኣብ ስራሕ ትምህርቲ ሽወደን ክህቡ ከለዉ ፍሉይ'ዩ።" ንኽልቲኡ ወገናት ዝጠቅም ዕድል እዩ።”

ኣልማ ፈሪዞቪች ኣብ Svenska med baby ክኢላ ስነ-ቑጠባ ኮይና በቲ ኣብቲ ቤት ጽሕፈት ዝካየድ ኣስተምህሮ ኣዝያ ዕጉብ እያ። ኣብ ወርሒ ሓደ ግዜ ብመምህር ዝምራሕ ናይ ክልተ ሰዓት ስልጠና እዩ። ኩሎም ተሳተፍቲ እውን ኣብ ነፍሲ ወከፍ ሰሙን ጽሑፍ ናብ መምህር የቕርቡ። እቲ መምህር ነቲ ጽሑፍ ኣሪሙ ይመልሶ። ኣብቲ ወርሓዊ ኣኼባ ተሳተፍቲ ካብቲ ዝምልከቶ ጽሑፍ ገለ ካብቲ ሓረጋት ሓሊፎም ነቲ ዘሎ ጌጋታት ንምርካብ ይጽዕሩ።

"ካብ ካልኦት ሃገራት ዝመጹ ብዙሓት ሰራሕተኛታት ኣለዉና፡ ኣብ ሽወደን ናይ መጀመርታ ስርሖም ልክዕ ኣብዚ'ዩ" ትብል ዳይረክተር ስርሓት ናይቲ ትካል ኤሜልያ ፍሬንማርክ። ብተወሳኺ ልዕሊ ፍርቂ ካብ ኩሎም መሳርሕታ፡ ናብ ሽወደን ምስ መጹ፡ ብዓበይቲ ቋንቋ ሽወደን ከም ዝተማህሩ ትዛረብ።

"ከም ዓቢ ሰብ ፍጹም ሓድሽ ቋንቋ ምምሃር ካብ ከም መንእሰይ ኣዝዩ ዝኸበደ'ዩ" ትውስኽ ኣልማ "ኣነ ንኤስኤፍኣይን ኤስቪኤን ሓሊፈ፡ ግን ቀጻሊ ዕድል ክትምዕብልን ክትለማመድን ኣለካ፡ እንተዘይኮይኑ እቲ ቋንቋ ደው ይብል" ትብል።

በቲ ወግዓዊ ትምህርቲ ጥራይ እኹል ኣይኮነን ትብል ኤሜልያ።

"ቋንቋ ኣብ መዓልታዊ ህይወትን ኣብ ስራሕ ቦታን ብተግባር ክመሃር ኣለዎ።"